База на податоци за згради, фасади, скулптури, споменици, фонтани и други видови објекти финансирани од јавни пари, кои го сочинуваат новиот лик на Скопје.
Подземниот паркинг кај зградата на Уставен суд, Археолошкиот музеј и Државниот архив на влезот на Старата чаршија е на две нивоа, со површина од околу 10 илјади квадратни метри.
Според отчетот на Владата објектот не спаѓа во проектот „Скопје 2014“, иако е изграден за потребите на вработените во институциите кои беа преместени со проектот.
„Подземната гаража ќе се простира на околу 2.000 квадрати и проценето е дека таа ќе ги задоволува потребите на администрацијата од Уставен суд и од другите институции сместени во истиот објект“, изјави претставник на Владата, најавувајќи го објектот.
Паркингот е со капацитет од вкупно 726 места.