База на податоци за згради, фасади, скулптури, споменици, фонтани и други видови објекти финансирани од јавни пари, кои го сочинуваат новиот лик на Скопје.
Споменикот на „Тешкото“ претставува бронзена скулптура на едно од најпознатите македонски народни ора.
Поставена е во самиот центар на Скопје, во непосредна близина на Спомен-домот на Мајка Тереза на улицата „Македонија“.
Скулптурата е свечено откриена во август 2009 година, и е меѓу првите скулптури поставени во рамките на проектот „Скопје 2014“.
Автор на ова дело е скулпторот Златан Трајков. Тој, освен паричната награда добиена на јавен конкурс од Министерството за култура, доби повеќе од 70.000 евра за негова изработка.